Charter Document - 03660165
| Charter Number: | 03660165 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1276 |
| Date type: | Internal, A.D., Episcopal, Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Eo salubriori proposito licite adquirit possessiones transitorias humana condicio quo ex hujusmodi possessionum fructibus Majestas Altissimi Cujus nutu disponuntur universa zelo puriori sollempnius honoratur Proinde celebrem memoriam Summi Celestis Curie Paranimphi et humane reparacionis Nuncii Sancti Gabrielis Archangeli in Collegiata Ecclesia Beati Thome Martiris de Glasneya secunda feria intrantis Septembris mensis devoto et sollempni obsequio annuatim et perpetuo celebrari cupientes Ecclesiam Sancti Colani cujus jus patronatus et Collacio ex nostra acquisicione canonica ad nos pertinet cum ejusdem fructibus ad ipsius obsequii onera perpetualiter sustinenda prefate Ecclesie Martiris predicti et Canonicis ibidem Deo et Beate Virgini servientibus pro salute anime nostre Successorum et Benefactorum nostrorum accedente ad hoc dilectorum filiorum Decani et Capituli nostri Exoniensis consensu legitimo appropriamus et canonica appropriacione annectimus et tribuimus perpetuo possidendam salva competenti Vicaria in toto alta legio Sanctuario et decimis garbarum in certis locis quadraginta solidos annuatim valentibus consistente per nos et Successores nostros futuris temporibus conferenda ordinantes quod Sacrista Ecclesie Martiris predicti et successores ejus post ipsum quos presentis Scripti attestacione Canonicos et sacerdotes semper esse volumus ac perpetuo residentes de fructibus Ecclesie taliter appropriate disponant in eternum et distribucionem faciant in forma inferius annotata videlicet Sacrista predictus et successores ejus post ipeum singulis Vicariis singulos decem solidos annuos singulis annis et ad instar novem Ordinum Angelorum singulis Canonicis singulis annis predicte Sollempnitati suam personalem presenciam exhibentibus singulos novem denarios ac singulis Vicariis die memorato presentibus singulos quinque denarios et sollempnia luminaria ad utrasque Vesperas Matutinas Horas et Missam sicut in Die Nathalis Domini durante obsequio memorato de fructibus Ecclesie predicte sine diminucione qualibet distribuent et prestabunt inperpetuum Et nihilominus idem Sacrista et successores ejus post ipsum singulis annis die Sollempnitatis predicte singulos sexaginta solidos in panibus pauperibus egenis pro anima nostra Successorum et Benefactorum nostrorum perpetualiter erogabunt Hec omnia et singula sub pena Excommunicacionis ipso facto si secus egerint incurrenda firmiter observari volumus et teneri In cujus rei testimonium presenti Instrumento sigillum nostrum apponi fecimus Actum et Datum apud Glasneyam in Vigilia Nativitatis Beate Virginis Anne Gracie MCCLXX sexto et Consecracionis nostre decimo nono