Charter Document - 03660163
| Charter Number: | 03660163 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Noverint Universi Christi Fideles quod cum ego Thomas de Cancia Miles violencie et dehonestacionis Presbiteris et Clericis apud Gargaul Exoniensis Dioecesis injuriose et violenter illatis interfuissem opem audaciam et consilium aliis severius delinquendi adhibuissem hiis non contentus conspiracioni facte contra Sanctam Ecclesiam et Venerabilem Patrem Walterum Dei Gracia Exoniensem Episcopum in ejus grave prejudicium et Ecclesiastice libertatis lesionem proprie salutis immemor maliciose consensissem aliaque dampna gravia et enormia fecissem propter que non est dubium in Sentencia Majoris Excommunicacionis incidi ipso facto demum filiis pacis intervenientibus et salutem meam procurantibus ad cor rediens pro emenda et satisfaccione dictorum criminum corporali juramento interveniente promisi et promitto quinquaginta marcas sterlingorum predicto Patri solvendas secundum ipsius Patris ordinacionem terminis statuendis eodem juramento gratis affirmans quod de cetero hujusmodi violencias seu injurias vel quascunque alias contra Ecclesiam seu Ecclesiasticas Personas nisi cum moderamine inculpate tutele me defendendo non committam et hoc sub pena quadraginta librarum secundum ordinacionem predicti Patris infra mensem postquam super hiis convictus fuero solvendarum Ad que omnia premissa plenaria complenda per dictum juramentum meum obligo me et astringo Et si premissa vel aliqua premissorum non observavero volo et concedo quod predictus Pater in pristinam Excommunicacionis Sentenciam sola monicione premissa sine aliqua in jus vocacione me retrudam et sic excommunicatum denunciari publice faciat quousque de predictis omnibus ad plenum per me fuerit satisfactum renuncians super hiis omnibus omni cavillacioni appellacioni Epistole Divi Adriani excepcioni Regie Prohibicioni Privilegio Crucesignatis indulto et utriusque Juris cuicumque remedio per que premissa possent impediri seu quocumque modo retardari In cujus rei testimonium Presentibus sigillum meum apposui hiis Testibus Domino Radulpho de Arundelle Milite Domino Hugone de Plymptone Johanne le Chamberlayn Ricardo de Derteford clerico Thome de Tremilla clerico Thome Rectore Ecclesie de Boconnoc Rogero de Gynis et aliis Actum et Datum apud Tytinge xv Kalendas Junii Anno Domini MCCLXX quinto