Charter Document - 03660162
| Charter Number: | 03660162 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Lay |
| Charter Type(s): | Request |
| Date: | 1274 |
| Date type: | Internal, Feast, Regnal |
| Resource Link(s): |
|
Charter:
Universis presentes Literas inspecturis Willelmus de Alneto Miles salutem in Domino Noverit Universitas vestra quod ego sano ductus consilio reatum conspiracionis quam contra Venerabilem Patrem Dominum Exoniensem Episcopum et Ecclesiam suam ac suos una cum quibusdam aliis de Comitatu Cornubie feci et quod cum quibusdam auctoritate Domini Cantuariensis Archiepiscopi excommunicatis communicavi humiliter recognosco et Beneficium Absolucionis instanter et devote peto ac condignam satisfaccionem offerens tactis Sacrosanctis Evangeliis juro quod infra proximo venturum Festum Sancti Andree Apostoli super reatu conspiracionis et communione predictis Deo et Ecclesie ac Episcopo memorato satisfaciam competenter Et si quod absit non fecero volo et ex nunc concedo quod nulla monicione premissa in pristinam Excommunicacionis Sentenciam ex tunc retrudar seu ipso facto sim retrusus et ligatus In cujus rei testi monium presentibus Literis sigillum meum apposui Datum Londoniis die Sancti Dionisii Anno Regni Regis Edwardi secundo