Charter Document - 03660159
| Charter Number: | 03660159 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Walterus [] dilecto filio Magistro Thome de Boclonde Canonico Criditonensi salutem graciam et benediccionem Cum nos venerande discrecionis viro dilecto filio Decano Exoniensi ad recipiendum canonicam emendam ab hiis de Cornubia qui contra Ecclesiam Exoniensem nos et Successores nostros Ecclesiasticam libertatem violando conspiracionem quandam conceperunt et quantum in eis fuit malivole voluntatis instinctu in effectum produxerunt necnon et ad hujuscemodi violatoribus Ecclesiastice libertatis Majoris Excommunicacionis Sentencia a Canone lata constrictis contricionis de commissis signa figurantibus penitencia fructum sibi impertiri postulando Absolucionis Beneficium impendendum sub certa forma commisimus vices nostras Pensantes tamen tante magnitudinis Virum sine adjuncto in hac parte aliorum negociorum distractum instancia posse multipliciter pregravari tibi mandamus quatinus in eodem negocio memorato eidem Decano Exoniensi assistens secundum Deum et justiciam ad honorem Ecclesie hujusmodi transgressores tua procures prudencia in Sinum Matricis Ecclesie revocari taliter in hujusmodi processu negocii te gerendo ut diligencia tua a nobis merito commendabilis inde possit reputari [] Datum apud Clyst vj Idus Januarii anno domini MCCLXX quarto