Charter Document - 03660158
| Charter Number: | 03660158 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Walterus Dei gracia Exoniensis Episcopus [] Officiali Cornubie [] Ut a fide dignis audivimus talis error in Cornubia dampnabiliter jam invaluit ut quidam suis meritis exigentibus per Dominum Cantuariensem nominatim excommunicati publice denunciari credant sibi licere Beneficio Absolucionis nondum obtento Christi Fidelibus passim et indistincte communicare eo pretextu quod de stando Mandatis Ecclesie juramentum prestiterunt corporale vel in Curia Cantuariensi se asserunt absolutos ad cautelam Unde ne per hujusmodi errorem illicita de cetero cum hujusmodi excommunicatis per Christi Fideles fiat Communio per quam Grex Dominicus maculetur vobis mandamus quatinus publice denuncietis universis et singulis ne prefatis excommunicatis quousque Beneficium Absolucionis optinere meruerint in casu a jure non permisso communicare presumant per quod a participacione Sacramentorum quod absit fiant alieni [] Datum apud Cheddeleghe xv Kalendas Januarii anno domini MCCLXX quarto