Charter Document - 03660156
| Charter Number: | 03660156 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1274 |
| Date type: | Internal, A.D., Episcopal, Feast |
| Resource Link(s): |
|
Charter:
Omnibus Christi Fidelibus presentes Literas inspecturis Walterus permissione Divina Exoniensis Ecclesie Minister bumilis salutem in Filio Virginis gloriose Notum fieri volumus quod dilectos et familiares nostros Magistros Ricardum de Carsewelle et Philippum de Exonia clericos quemlibet eorum in solidum ita quod occupantis melior condicio non existat nostros facimus et ordinamus Syndicos et Procuratores ad recipiendum nostro nomine et pro nobis et negociis nostris expediendis in Romana Curia a Johanne Gerardini et Spina Philippi de Pistoria mercatoribus Sociis Jacobi Bartholomei et Baudini fratrum natorum Domini Avanati et Jacobi Domini Agolentis et Laudi Domini Anionis eorum concivibus triginta marcas sterlingorum tredecim solidis et iiij denariis pro marca qualibet computatis ratum et gratum in veritate habere promittentes quicquid iidem Procuratores seu Syndici nostri aut eorum alter duxerint in hiis faciendum Promittimus eciam dictam pecuniam reddere et solvere prefatis Jacobo Agolentis et Laudo vel eorum alteri in veritate in Londoniarum Civitate infra instans Festum Pentecostes obligantes quantum ad hoc nos et nostros Successores et Episcopatum nostrum et omnia bona nostra presencia et futura renunciantes excepcioni doli mali accioni instanti fori et Crucis ac cujuslibet libertatis privilegio per quod concessum esse dicitur Prelatis aut Clericis de Anglie quod citra mare nequeant conveniri In in cujus testimonium [] Datum Anno Consecracionis Domini Episcopi septimo decimo Die Dominica in Passione Domini exivit Litera apud Vytery ad Curiam Romanam et Anno Domini MCC septuagesimo tercio