Charter Document - 03660153
| Charter Number: | 03660153 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1266 |
| Date type: | Internal, A.D., Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Noveritis quod nos facimus constituimus et ordinamus dilectum nobis in Christo Ricardum de Honetone clericum Procuratorem nostrum presentes Literas exhibentem in Curia Romana ad impetrandum contradicendum et consenciendum in Judices dantes eidem potestatem et Mandatum speciale constituendi et substituendi alium et alios Procuratores loco sui quociens viderit expedire de consilio dumtaxat discretorum virorum Magistrorum Berardi de Neapoli Domini Pape Capellani et Notarii et Philippi de Cancellis ejusdem Domini subditi et Capellani vel unius eorum et constituendi ei vel eis certum salarium secundum morem Curie prout viderit expedire de consilio eorundem ratum habituri et firmum quicquid idem Ricardus vel ab eo constitutus vel substitutus in forma predicta nomine nostro fecerit in premissis In cujus rei testimonium Presentibus Literis sigillum apposuimus quascumque Procuraciones Constituciones et Substituciones quibuscumque personis prius factas et quorumcumque nomine conceptas revocantes Datum Londoniis in crastino Sancti Andree Apostoli Anno Domini MCCLX sexto