Charter Document - 03660152
| Charter Number: | 03660152 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appeal |
| Date: | 1279 |
| Date type: | Internal, A.D., Feast |
| Resource Link(s): |
|
Charter:
Venerande Discrecionis Viro Domino Officiali Curie Cantuariensis Walterus Dei gracia Exoniensis Episcopus salutem et sinceram in Domino caritatem Vestre Venerabili Discrecioni significamus quod die Mercurii proxima post Secundam Dominicam in Quadragesima Anno Domini MCCLXX octavo in Manerio nostro apud Teyntone in nostra presencia Magister Clemens de Liskeret clericus et subdiaconus Literas Presentacionis ad Ecclesiam de la Roche et Inquisicionis facte super Articulis consuetis exhibens pro eo quod ipsum ad Ecclesiam de la Roche predictam nostre Dioecesis non admisimus vestram audienciam in Scriptis sub eo qui sequitur tenore appellavit Coram vobis Domino Exoniensi Episcopo ego Clemens de Liskeret clericus et subdiaconus ad Ecclesiam de la Roche in Cornubia vestre Dioecesis vacantem a vera ipsius Ecclesie Patrona canonice presentatus pro eo quod cum vobis constet per Inquisicionem legitimam nullum esse impedimentum quod meam Institucionem poterit vel debeat impedire me ad ipsam Ecclesiam admittere et instituere Rectorem in eadem recusatis minus juste licet super hoc humiliter requisiti Sedem Cantuariensem directe in hiis Scriptis appello et Apostolos peto cum instancia Cui Appellacioni ob reverenciam Sedis antedicte tenore Presencium benigne duximus deferendum Datum die loco predictis In cujus rei testimonium Presentibus sigillum nostrum apposuimus