Charter Document - 03660150
| Charter Number: | 03660150 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Lay |
| Charter Type(s): | Obligation |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Universis Christi Fidelibus presentes Literas visuris vel audituris Henricus de la Pomeray Miles salutem in Domino sempiternam Noverit Universitas vestra quod cum ego pro variis et manifestis offensis et injuriis Venerabili Patri Domino Exoniensi Episcopo ac aliis Personis Ecclesiasticis Exoniensis Dioecesis per me et meos nequiter illatis Sentencia Excommunicacionis Majoris fuissem innodatus et ad cor rediens et de dictis commissis satisfacere cupiens satisfaccionem sub certa forma fideliter facere promisissem et ex tunc me fidelem futurum Ecclesie Exoniensi et ejusdem Loci Episcopo spopondissem juramento corporali interveniente prout in Litera mea Obligatoria super hoc confecta plenius continetur demum ejusdem promissionis et sponsionis vinculum minus quam deceret in corde constringens contra formam fidelitatis debite fossata Parci de Peyntone illicite transcendens cum meis familiaribus et aliis multis de Domo mea de Byry et in mea comitiva venientibus quasdam feras bestias in predicto Parco Domini Exoniensis Episcopi ipso et Ballivis suis irrequisitus per me et meos cepi et necavi seu capere et necare feci in ipsius Episcopi prejudicium et Ecclesiastice libertatis lesionem que incorrecta sine animarum periculo ad cor rediens iterato instinctu Divino conspexi nullatenus posse sub silencio transire Ad prefatum itaque Patrem et Dominum meum ligium Dominum Exoniensem Episcopum personaliter accedens sacramento corporaliter prestito bona fide et sub debito juramenti prestiti promitto quod eidem Domino Episcopo Ecclesie sue et libertatibus suis et juribus sine recidi vadione de cetero ero fidelis nec contra veniam facto vel verbo seu ut contra veniatur procurabo aut permittam ubi contradicere vel resistere potero Et si quod absit contra premissa vel eorum aliquod quoquomodo venero volo et sponte concedo quod in pristinam Excommunicacionis Sentenciam ipso facto sim retrusus et excommunicatus ex tunc incessanter denunciatus quousque tam super superius annotatis commissis in priore Obligacione contentis quam presentis Obligacionis tenore et pena ad plenum satisfecero cum effectu Et restaurabo predictum Parcum feris bestiis competentibus citra proximo venturum Festum Omnium Sanctorum ad dictum Durandi Ballivi dicti Domini Episcopi salvis tribus bestiis quas Dominus Johannes filius Johannis in eodem Parco capi fecit Hanc vero pacis formam bona fide servare et in nullo contravenire sub pena centum marcarum eidem Domino Episcopo solvendarum si inde legaliter convictus fuero promitto et volo quod ad personam meam tantum extendatur salva offensa Domini Regis si me in aliquo contravenire quod absit contingat renuncians in hac parte appellacionibus excepcionibus tam in genere quam in specie regie Prohibicioni et omnibus impetratis et impetrandis In cujus rei [] Et ad requisicionem meam Dominus Henricus de Monte Forti et Salomon de Roffa Domini Regis Justiciarii et Decanus Exoniensis sigilla sua apposuerunt hiis testibus Dominis Johannis Wyger Willelmo de Fissakere et Alexandro de Oxtone Militibus Actum et Datum Exonie die Sancte Marie Magdelene Anno Domini MCCLX[X] quinto