Charter Document - 03660148
| Charter Number: | 03660148 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1263 |
| Date type: | Internal, A.D., Calendar, Feast |
| Resource Link(s): |
|
Charter:
Universis presentes Literas inspecturis Frater Thomas Subprior Plymptonie et ejusdem Loci Conventus humilis salutem in Domino sempiternam Noverit Universitas vestra quod nos tenore Presencium constituimus facimus et ordinamus dilectum confratrem et concanonicum nostrum Walterum dictum le Hostiler Procuratorem nostrum Syndicum et Actorem ad tractandum de pace super omnibus causis controversiis et questionibus inter Venerabilem Patrem Dominum Walterum Exoniensem Episcopum et nos exortis seu motis vel pendentibus ratum et firmum habituri quicquid in premissis nomine nostro per ipsum actum fuerit seu procuratum Damus eciam specialem in animas nostras quodlibet genus juramenti prestandi status reformacionem pro nobis et singulis de Conventu petendi cum ponendi transigendi in arbitros arbitraturus seu ordinatores com promittendi et nos causas questiones et controversias predictas Arbitrio Ordinacioni Diffinicioni et Laudo cujuscumque et quorumcumque ac qualitercumque expedire viderit submittendi et omnia premissa et alia faciendi et procurandi que per hoc Mandatum poterunt expediri pacificatum quoque arbitratum ordinatum diffinitum et laudatum eo procurante nos bona fide observaturos promittimus In cujus rei testimonium presentibus Literis sigillum Capituli nostri apponi fecimus Datum apud Plymptoniam Die Dominica infra Octavas Assumpcionis Beate Virginis Anno Domini MCCLX tercio hoc est xv Kalendas Septembris