Charter Document - 03660145
| Charter Number: | 03660145 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1261 |
| Date type: | Internal, A.D. |
| Resource Link(s): |
|
Charter:
Hec Composicio realis et perpetua Anno Gracie MCC sexagesimo primo facta inter Walterum Episcopum Decanum et Capitulum ac Ecclesiam Exoniensem ex parte una et Willelmum Abbatem Conventum ac Monasterium Malmesbiriense Salesbiriensis Dioecesis ex altera videlicet cum inter Episcopum Decanum et Capitulum Exoniense Abbatem Conventum et Monasterium predictum super jure et possessione Officii Visitacionis jure ordinario exercendi in Cella Beate Marie de Piltone Exoniensis Dioecesis ad predictum Monasterium Malmesbiriense pertinente necnon et modo instituendi et destituendi Priores seu Administratores in Cella memorata suborta esset materia questionis tandem inter Partes ipsas de licium fluctibus ad pacis quietem transire volentes questio predicta in hunc modum realiter conquievit videlicet quod predictus Episcopus et Successores sui post ipsum nomine suo et Ecclesie Exoniensis Cellam predictam Piltonie jure ordinario sine reclamacione de cetero visitabunt et que correccione indigebunt in rebus et personis canonice visitabunt hoc adhibito moderamine ad gravamen sumptuum Monasterii et Celle predicte visitandorum in hac parte quod ejusdem Loci Priores dicto Episcopo et ejus Successoribus nomine cujuslibet procuracionis racione Visitacionis debite seu debende viginti solidos sterlingorum dumtaxat impendant Prefati itaque Abbas et Conventus Malmesbiriensis et eorum successores dicta Cella Piltonie per mortem cessionem resignacionem seu alio modo legitime vacante idoneas successive Personas Priores seu Administratores instituendos ibidem dicto Domino Episcopo et ejus Successoribus de cetero presentabunt qui curam administracionem seu regimen ab eodem Episcopo et ejus Successoribus recipient et nisi eis aliquid canonicum obsistat sine difficultate admittentur Et ut hoc perpetuo inviolabiliter observetur inter Partes Episcopus Decanus Capitulum Abbas et Conventus predicti tenore Presencium hinc inde se obligant in perpetuum et presenti Scripto sigilla sua ad perpetuam rei memoriam alternatim apposuerunt Actum et Datum Anno Gracie MCC sexagesimo primo