Charter Document - 03660142
| Charter Number: | 03660142 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1259 |
| Date type: | Internal, A.D., Feast |
| Resource Link(s): |
|
Charter:
Omnibus Christi Fidelibus has Literas visuris vel audituris Walterus miseracione Divina Exoniensis Episcopus salutem in Domino Noverit Universitas vestra nos recepisse homagium Philippi de Penles de tribus dimidiis acris terre et de uno ferlingo terre cum pertinenciis suis scilicet de illa dimidia acra terre quam Willelmus de Tremuer eidem Philippo vendidit in Bodelek et de alia dimidia acra terre quam habuit de Luca de Penles in escambium in villa de Penles et de tribus ferlingis terre quos emit de Vincencio de Trevansun in villa de Trevansun et de omnibus aliis terris suis de quibus predictus Philippus antecessoribus nostris racionabile fecit homagium et concessisse pro nobis et Successoribus nostris dicto Philippo et heredibus suis quod quieti sint de omcibus predictis terris pro uno relevio et pro una secta Et tenetur dictus Philippus et heredes sui solvere nobis et Successoribus nostris singulis annis xviij denarios de auxilio de predictis tribus dimidiis acris terre et de uno ferlingo terre sine incremento et racionabile auxilium de alia terra sua propria prout facere consuevit et pares sui faciunt Et concessit predictus Philippus pro se et heredibus suis quod non poterit dare alienare neque vendere predictas terras sine licencia vel consensu predicti Walteri Domini sui Exoniensis Episcopi Et si predictas terras dare alienare vel vendere voluerint quod predictus Walterus et Successores sui propinquiores sunt quam aliqui alii dummodo tantum dare voluerint quantum alius In cujus rei testimonium huic Scripto sigillum nostrum apposuimus hiis testibus Domino Radulpho de Arundel Domino Radulpho de Tynten Johanne de Husting Petro de Tregludno Magistro Odone de Tregontros et aliis Datum apud Sanctum Germanum die Dominica ante Festum Sancti Michaelis in Monte Tumba Anno Gracie Domini MCCLIX