Charter Document - 03660140
| Charter Number: | 03660140 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1264 |
| Date type: | Internal, Episcopal, Feast |
| Resource Link(s): |
|
Charter:
Reverendo Patri in Christo et Domino H[enrico] Dei gracia Londoniensi Episcopo et ceteris Venerabilibus Patribus Coepiscopis nostris Cantuarie et Eboraci Provinciarum totique inferioris Cleri Communitati Walterus eadem gracia Exoniensis Episcopus salutem et sincerum in Domino dileccionis semper augmentum Quia adversa corporis valetudine virium inbecillitate ac aliis fortune injuriis multipliciter gravati Congregacioni vestre in Octavis Sancti Andree apud Sanctum Albanum personaliter interesse non possumus de quo dolemus dilectos in Christo filios Magistros Johannem Wyger et Johannes de Bradeleghe ad tractandum acceptandum et ratificatum vice nostra quicquid ad honorem Dei commodum Ecclesie Anglicane Fidem Regis et proficuum Regni in ipso tractatu communiter duxeritis statuendum ordinandum seu faciendum Procuratores nostros sub alternacione facimus et ordinamus ratum habituri et gratum quicquid ipsi duo vel alter eorum super premissis nomine nostro una vobiscum duxerint vel duxerit faciendum In cujus rei testimonium Presentibus [] Datum apud Nemethtone die Sancti Clementis Pape Anno MCCLX quarto et Consecracionis nostre septimo