Charter Document - 03660139
| Charter Number: | 03660139 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1265 |
| Date type: | Internal, A.D., Feast |
| Resource Link(s): |
|
Charter:
Omnibus ad quos Litere presentes pervenerint Walterus Dei gracia Exoniensis Episcopus salutem in Domino sempiternam Considerantes affeccionem quam erga Nobilem Virum Dominum Michaelem de Fyenles Canonicum Morinensem hactenus habuimus et habemus eidem Michaeli xl marcas annuas de Camera nostra et Successorum nostrorum quoad vixerit percipiendas de nostra gracia speciali concedimus Volumus eciam et concedimus fideliter promittentes pro nobis et Successoribus nostris predictam pecuniam solvere singulis annis apud Novum Templum Londoniarum predicto Michaeli vel suo certo assignato in Festo Pentecostes Et nos hanc nostram predictam concessionem per Capitulum Exoniense quam cito ad partes illas venerimus faciemus confirmari ita quod idem Michaelis Cartam predicti Capituli super confirmacione predicta [obtineat] hoc adjecto si predictus Michaelis assumptus fuerit ad Episcopalem Dignitatem vel alias Religionis habitum assumpserit cesset prestacio supradicta In cujus rei testimonium Presentibus sigillum nostrum apponi fecimus Datum Londoniis die Sancti Nicholai Anno Domini MCCLX quinto hiis testibus Magistris Godfridus Giffarde Archidiacono Barnastapolie Willelmo de la Cornere Johanne Nobili Johanne de Sicca Villa Roberto Pictavensi Johanne de Esca W de Wacre et aliis