Charter Document - 03660131
| Charter Number: | 03660131 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1261 |
| Date type: | Internal, A.D., Calendar, Episcopal |
| Resource Link(s): |
|
Charter:
Walterus Dei gracia [] Fratri Roberti de Fissacre dudum Priori [] salutem [] Cum etatis vestre auroram et meridiem citra estis et onera Ecclesie Lancevetonensis predicte supportanda cujus regimini sponte cessistis expenderitis non indignum judicamus ut vobis juxta cursum Nature ad vesperam declinantibus precipuum honorem pro meritis impendamus de communi consensu et assensu unanimi tocius Loci predicti Conventus deliberacione provida ordinantes ut infra septa Ecclesie predicte camera illa quam precipuam consuevistis habere vobis et uni concanonico vestro de anno in annum mutando ad vitam assignetur una cum viridario ad cameram ipsam pertinente obvenciones quoque alta lagei Ecclesie Sancti Stephani Superioris Lanstavetonensis una cum terra de Parco infra muros cum omnibus pertinenciis et esculenta ac poculenta quantum tribus Canonicis Domus vestre assignari consuevit per diem ac uni servitori vobis ministranti pro vestra concanonici vestri vobis in solacium deputati et sacerdotis in dicta Ecclesia ministrantis persona qui vobis respondeat in temporalibus assignamus hoc adhibito moderamine quod si alta lagei predicti obvenciones processu temporis auctoritate Superioris per Ordinacionem Canonicam diminui vel forsan depauperari contingat in recompensacionem diminucionis seu depauperari onus hujusmodi decem marcas annuas per manum futuri Prioris et ejus successorum juxta nostre voluntatis arbitrium ad iiij Anni Terminos Principales sine diminucione et difficultate qualibet percipiatis residuis ipsius alta lagei obvencionibus et Parco predicto in usus Prioris et Conventus predictorum ex tunc reversuris Interpretandi quoque corrigendi mutandi mitigandi Ordinacionem presentem et dispensandi supra eam si opus fuerit et cohercendi rebelles nobis reservamus In cujus rei testimonium Presentibus Literis nos et dictus Conventus sigilla nostra apposuimus quod Prior futurus cum creatus fuerit sigillum suum eisdem in signum approbacionis et consensus apponat decernentes Acta in Capitulo de Lanstavetone ij Idus Septembris Consecracionis nostre Anno iiij et Anno Gracie MCC sexagesimo primo