Charter Document - 03660130
| Charter Number: | 03660130 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1259 |
| Date type: | Internal, Calendar, Episcopal |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Noverit Universitas vestra quod cum bona temporalia Prioratus Lanstavetonensis per incuriam et negligenciam Roberti [Fissacre] dudum Prioris ipsius Ecclesie ut de dilapidacione taceamus ideo sint collapsa quod ipsorum ordinacio ad nos est devoluta ac dicti Loci Prior et Conventus nostro minime requisito consensu de Lankinhorn et Sancti Genesii Ecclesias Magistro Adam de Mideltone clerico recepta ab ipso per manibus magna pecunie quantitate ad terminum quinque annorum tradiderint ad firmam idemque clericus eas aliquando tenuerit nec de soluta pecunie ipsius quantitate septuaginta novem marcas adhuc receperit nos volentes ipsius Ecclesie utilitati prospicere et Magistri predicti indemnitati precavere recepta ab ipso primitus libera et spontanea ipsarum firmarum resignacione tam nostro quam ipsius Ecclesie de Lanstavetone nomine Ecclesiam Sancti Genesii ad terminum quatuor annorum proximo sequencium in forma infrascripta concedimus ad firmam eo usque possidendam videlicet decimas garbarum ipsius Ecclesie Sancti Genesii [excepta decima de Treworgy] que specialiter ad Conventum pertinent ita tamen quod si infra predictos quatuor annos dictum clericum Beneficium Ecclesiasticum assequi contingat recepto a predictis Canonicis quod sibi defuerit de predictis septuaginta novem marcis scilicet pro quolibet anno viginti marcis dictam firmam libere et sine contradiccione resignabit Quod quidem bona fide coram nobis promisit In cujus rei testimonium presentibus Literis sigillum nostrum apponi fecimus Datum apud Chuddeleghe iiij Nonas Novembris Consecracionis nostre Anno secundo