Charter Document - 03660128
| Charter Number: | 03660128 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1225 - 1272 |
| Date type: | Assigned |
| Resource Link(s): |
|
Charter:
Ricardus Comes Pictavie et Cornubie omnibus Baronibus suis et Militibus et omnibus libere tenentibus in Comitatu salutem Sciatis nos concessisse et hac presenti Carta nostra confirmasse Deo et Ecclesie Sancti Stephani de Lanscevatone et Canonicis ibidem Deo servientibus pro statu et pace Domini Henrici Regis Anglie Fratris nostri simul et Regni et pro salute anime Domini Johannis Regis Anglie Patris nostri et pro salute anime mee et omnium Antecessorum et Successorum nostrorum ut habeant omnes Ecclesias suas et omnia Ecclesiastica Beneficia et possideant cum omnibus pertinenciis suis integre libere et pacifice que habent ex donacionibus Regum Comitum Baronum et aliorum bonorum virorum terras eciam suas omnes et tenementa sua omnia que habent in Burgo vel extra Burgum cum omnibus pertinenciis suis libertatibus et liberis consuetudinibus suis que habent vel habuerunt ab antiquo sicut Carta Donatorum testatur vel in futurum racionabiliter acquirere poterunt libere quiete et plenaria et hec omnia tam in Ecclesiis quam in Capellis terris rebus et possessionibus et omnibus pertinenciis suis memoratis Canonicis et successoribus suis concessimus habenda et possidenda in puram et perpetuam elemosinam libere honorifice et quiete ab omni seculari servicio et similiter et de omnibus consuetudinibus secularibus et occasionibus omnimodis inperpetuum et ne quis ponat predictos Canonicos in placitum de aliquo tenemento suo nisi coram nobis ipsis vel coram Ballivis nostris de Cornubia Hiis Testibus Andrea de Chanceans Ricardo de Turre Henrico Teutonico Henrico de Franchenne Ricardo de Punchardune Yvone fratre Comitis Herberto de Novila Alano Hurri Henrico de Bodrigan Radulpho Bloyo Simone de Brekelay