Charter Document - 03660127
| Charter Number: | 03660127 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1140 - 1175 |
| Date type: | Assigned |
| Resource Link(s): |
|
Charter:
Reginaldus Henrici Regis Filius Comes Cornubie omnibus hominibus suis Francis Anglis et Walensibus salutem Sciatis me Ecclesiam de Lanscevatone cum omnibus suis pertinenciis tam Ecclesiasticis quam laicis et Canonicos ibidem in honore Dei et Beati Protomartiris Stephani ministrantes et pro statu tranquillitate et pace Henrici Regis Anglie similiter et Regni et pro salute anime Henrici Regis Patris mei et omnium Antecessorum et Successorum nostrorum Deum assidue interpellantes sub proteccione Dei et Domini Henrici Regis Anglie et mea suscepisse Quare volo et concedo et hac Carta mea confirmo quod predicti Canonici habeant et teneant memoratam Ecclesiam de Lanscevatone et omnes terras et tenuras suas in Cornubia quas racionabiliter habent vel adquirere poterunt in posterum ita libere et quiete pacifice et honorifice sicut unquam ipsi vel antecessores sui liberius et melius tenuerunt scilicet cum Soche et Sache Tol et Theam et Infangenthef et cum omnibus aliis libertatibus sibi et hominibus suis de sectis Scyrarum et Hundredorum placitis et querelis clyvewardis et omnibus aliis auxiliis et omni seculari servicio et exaccione et omnibus aliis occasionibus et consuetudinibus secularibus sicut puram et perpetuam elemosinam Preterea ad noticiam omnium volo pervenire quod R[obertus] Prior de Lanscevatone in pleno comitatu coram me apud Castellum de Dunehavede Preposito et Burgensibus ejusdem Ville presentibus sufficienter et legitime disracionavit quod tempore quo Comes Moretonensis mercatum Diei Dominice de Villa Sancti Stephani de Lanscevatone ad novam Villam Castelli de Dunhevet transtulit Canonici de Lancevatone de assensu et voluntate memorati Comitis de Moretone retinebant sibi et Burgo suo de Lanscevatone et Burgensibus in ea manentibus omnes libertates ad liberum Burgum spectantes cum eadem integritate quas ab antiquo habuerant preter mercatum Diei Dominice tantummodo unum et ipsi Canonici habent de Prepositura Castelli xx solidos annuatim ad Festum Sancti Martini et quod easdem libertates integre et quiete et sine contradiccione toto tempore Henrici Regis Anglie Patris mei habuerunt et tenuerunt Quapropter ego omnes libertates ad liberum Burgum spectantes memoratis Canonicis et Ville sue de Lanscevatone et hominibus in ea focum et locum habentibus cum memoratis xx solidis annui census concessi et hac Carta mea confirmavi Testibus Roberto Dunstanville Ricardo de Baddune Bernardo Vicecomite Cornubie Roberto filio Anketil Hugone de Dunstanville Jordano de Trekarl Preposito Mordont Sprakelyn