Charter Document - 03660120
| Charter Number: | 03660120 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1270 |
| Date type: | Internal, A.D., Feast |
| Resource Link(s): |
|
Charter:
Noverint universi quod nos Walterus miseracione Divina Exoniensis Ecclesie Minister humilis interveniente consensu discretorum virorum Decani et Capituli Saresbirie in Ecclesiis de Kentone et Alfintone commune eorundem appropriatis Vicarias taxamus et taxando ordinamus in forma subscripta videlicet quod Vicaria Ecclesie de Kentone consistat in toto altalagio excepta decima piscaris et ordinamus quod Vicarius qui pro tempore fuerit mansum competens habeat illud videlicet quod Loci capellanus inhabitare consuevit cum curtello cui adjungimus dimidiam acram Sanctuarii propinquiorem eidem curtello et idem Vicarius omnia onera ordinaria debita et consueta ejusdem Ecclesie sustinebit Ordinamus insuper quod Vicaria Ecclesie de Alfintone consistat in toto altalagio Ecclesie ejusdem et Capellarum suarum de Myddeltone Marleberge et Hywysh cum una acra in singulis Locis ad mansum Vicarii et Capellani faciendum excepta decima congruorum quam dicto Decano et successoribus suis assignamus ita quod Vicarius qui pro tempore fuerit in eadem per Capellanos et Ministros ydoneos de serviri faciat in eisdem omnia onera ordinaria debita et consueta sustineat et quatuor marcas annuatim in Festo Beati Michaelis ad sustentacionem Capellani pro anima nostra et animabus Successorum nostrorum omniumque Fidelium defunctorum in Ecclesia Exoniensi vel Capella nostra ibidem ministraturi de obvencionibus altalagiorum antedictorum fideliter solvat inperpetuum Ordinamus eciam pro Vicaria Ecclesie de Ealmintone consistat in toto altalagio Ecclesie ejusdem et Capelle de Resulestoke cum manso competenti ita quod Vicarius qui pro tempore fuerit in eadem sustinebit omnia onera ordinaria debita et consueta In cujus rei testimonium sigillum nostrum et sigilla dictorum Decani et Capituli Presentibus sunt appensa Datum Wintonie in Festo Sancti Petri quod dicitur ad Vincula Anno Gracie MCC Septuagesimo