Charter Document - 03660119
| Charter Number: | 03660119 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1269 |
| Date type: | Internal, A.D., Feast |
| Resource Link(s): |
|
Charter:
Universis presentes Literas inspecturis Willelmus Hurwarde presbiter salutem in Domino sempiternam Noverit Universitas vestra quod cum super incontinencia olim essem diffamatus ego Venerabili Patri Domino Waltero Dei gracia Exoniensi Episcopo frugem melioris vite inposterum repromitto et eidem Domino Episcopo mera et spontanea voluntate gratis offero et concedo quod si super hujusmodi incontinencia de cetero quod absit convinci me contingat a jure et possessione Ecclesie mee de Ernescumbe ad quam ex gracia speciali me admisit eadem ipso [facto] nulla ex tunc rebellandi contradicendi appellandi appellacionem prosequendi seu ad recuperandum ipsam Ecclesiam supplicandi facultate michi reservata In cujus rei testimonium has Literas eidem Domino Episcopo feci Patentes [] Datum apud Peyntone die Jovis proxima post Festum Nativitatis Beate Marie anno domini MCCLX