Charter Document - 03660116
| Charter Number: | 03660116 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1264 |
| Date type: | Internal, A.D., Episcopal, Feast |
| Resource Link(s): |
|
Charter:
Universis Christi Fidelibus presentes Literas inspecturis Walterus miseracione Divina Exoniensis Episcopus salutem in Domino sempiternam Noveritis quod cum Ecclesia de Thorvertone nostre Dyoecesis per spontaneam resignacionem Ricardi de Chippestaple nuper ejusdem Loci Rectoris vacaret et Ricardus de Bamfelde per procuratorem Abbatis et Conventus Majoris Monasterii Turrouensis verorum ejusdem Ecclesie Patronorum nobis canonice ad eamdem esset presentatus ac per Inquisicionem legitimam nobis evidenter constaret dictam Ecclesiam ad presentacionem dictorum Abbatis et Conventus spectare dictique Procurator Ricardus de Chippestaple ac Presentatus memoratus super premissis omnibus ordinacioni et gracie nostre se totaliter submiserunt nos Venerabili Viro Magistro Edwardus de la Choulle Decano Wellensi ordinacionem de dicta Ecclesia faciendam inter premissas Partes eidem totaliter commisimus Qui nobis presentibus et assensum prebentibus ordinavit in hunc modum videlicet quod dictus Ricardus de Bamfelde annuatim percipiat de bonis dicte Ecclesie quamdiu vixerit Ricardus de Chippestaple ab eodem ad Pascha unam dimidiam marcam argenti nomine Personatus dicte Ecclesie de Thorvertone cum jure accrescendi post mortem dicti Ricardi de Chippestable in universum jus dicte Ecclesie cum omnibus pertinenciis Ad quem Personatum eumdem Ricardum de Bamfelde caritative admisimus et ipsum in eadem Ecclesia Rectorem instituimus ita videlicet quod dicto Ricardo de Chippestaple cedente vel decedente liceat eidem Ricardo nunc Rectori eamdem Ecclesiam cum omnibus pertinenciis ingredi et eamdem auctoritate dicte Ordinacionis libere retinere salvis omnibus aliis obuentionibus dicte Ecclesie eidem Ricardo de Chippestaple quamdiu vixerit retinendis ac possidendis Et quia idem Ricardus de Chippestable senio confractus et egritudinibus variis debilitatus se et sua competenter regere non potest dictus Decanus Wellensis eidem Ricardo de Bamfelde de nostro expresso consensu curam ejusdem Ricardi de Chippestaple ac Ecclesie memorate cum ejusdem administracione ad vitam dicti Ricardi de Chippestaple commisit In cujus rei testimonium presentes Literas sigilli nostri impressione roboravimus Datum apud Horsleghe die Couversionis Sancti Pauli Anno Domini MCCLX tercio et Consecracionis nostre sexto