Charter Document - 03660115
| Charter Number: | 03660115 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1264 |
| Date type: | Internal, A.D., Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Noveritis quod cum nos repetitis vicibus tam per nos quam per Officiales nostros clericos Episcopatus Exoniensis plura Beneficia cum cura animarum habentes ad ostendendum Dispensacionem si quam haberent fecerimus evocari et ad ultimum injecta invocacione quod certo die eam ostenderent alioquin Beneficiis curam animarum habentibus post quorum suscepcionem alia Beneficia cum consimili cura receperunt essent privati inter quos Dominus Alanus de Nemeth in forma predicta pluries extitit evocatus qui post recepcionem Porcionis duarum marcarum in Ecclesia Sancte Neuline cum jure accrescendi aliam Ecclesiam cum cura animarum recepit ac supradictus Alanus per Officialem nostrum ad presenciam nostram ex abundanti ad ostendendum Privilegium si quod haberet esset evocatus hoc tamen hucusque in prejudicium dilecti filii Rogeri de Sancto Constantino per illustrem Dominum Ricardum Romanorum Regem ad easdem duas marcas nobis presentati ac anime sue periculum facere non curavit nolentes igitur sicut nec debemus animarum curam negligere aut in injuriam presentantis et presentati presens negocium ulterius protelare eundem Kogerum ad Pensionem predictam cum jure accrescendi in universum jus predicte Ecclesie post mortem Domini H[enrici de Cirecester] Precentoris Criditonensis ad instanciam presentantis admisimus et ipsum in eadem Rectorem instituimus Nolumus tamen per hanc nostram Admissionem et Institucionem predicto Domino Henrico quamdiu vixerit quantum ad eandem Ecclesiam prejudicium aliquod generari In cujus rei testimonium presentes Literas eidem Rogero fecimus fieri Patentes Datum apud Wytemers die Sabbati proxima post Festum Sancti Mathie Apostoli anno domini MCCLXIIJ