Charter Document - 03660109
| Charter Number: | 03660109 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Venerabili Patri [] Exoniensi Episcopo Officialis Curie Cantuariensis salutem cum omni reverencia et honore Sua nobis Dominus Rogo de Clare Decanus Staffordie peticione monstravit quod cum ipse ad Ecclesiam de Kilkamptone vestre Dioecesis vacantem vobis Loci Dioecesano a vero ejusdem Ecclesie Patrono legitime fuisset presentatus vos eundem Dominum Rogonem vel ejus procuratorem nomine suo ad eandem Ecclesiam minus juste admittere recusastis propter quod procurator dicti Rogonis senciens dictum Dominum suum et se ex hoc per vos indebite pregravari Sedem Cantuariensem ut asserit legitime appellavit Quare vobis inhibemus et per vos quibuscumque Commissariis vestris ne pendente in Curia Cantuariensi hujusmodi Appellacionis causa aliquid in prejudicium Partis appellantis attemptetis seu attemptari faciatis quominus liberam habeat prosecucionem Appellacionis sue antedicte Vos eciam tenore Presencium peremptorie citamus quod compareatis coram nobis vel Commissariis nostris in Ecclesia Beate Marie de Arcubus Londoniis quarto die juridico post Festum Sancti Martini yemalis in dicta Appellacionis causa facturus et recepturus quod justicia suadebit De die vero recepcionis Presencium et quid super premissis feceritis nos vel Commissarium nostrum dictis die et loco per Literas vestras Patentes harum seriem continentes certificare curetis Datum apud Lamhethe x Kalendas Novembris Anno Domini MCCLXX quinto