Charter Document - 03660108
| Charter Number: | 03660108 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Cum dilectus filius Ricardus de Grenvile discretum virum Dominum Rogonem de Clare Canonicum Exoniensem ad vacantem Ecclesiam de Kilkamtone nostre Dioecesis nobis presentaret et idem Rogo presentacionem hujusmodi per procuratorem prosequens Dispensacionum suarum tenorem coram nobis exhibens dictum Dominum suum ad prefatam Ecclesiam admitti postularet nos ex causa super premissis deliberare volentes terminum peremptorium in Quingena Sancti Michaelis eidem procuratori prefiximus ad faciendum quod justicia suaderet cumque idem procurator prefixione nostra non contentus ex causa predicta vestram audienciam appellaret nos ob reverenciam Sedis Cantuariensis Appellacioni sue humiliter deferentes prefatum procuratorem cum toto negocio processu et munimentis suis predictis ad examen vestrum duximus remittendum In cujus rei [] Datum apud Clist die Martis proxima ante Festum Sancti Mathei Apostoli anno domini MCCLXXV