Charter Document - 03660101
| Charter Number: | 03660101 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1267 |
| Date type: | Internal, A.D., Episcopal, Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Ad Universitatis vestre noticiam tenore Presencium volumus pervenire quod nos ad presentacionem Religiosorum Virorum Prioris et Conventus de Lewes verorum Patronorum Ecclesie de Bery nostre Dioecesis dilectum filium Magistrum Willelmum de Capella Procuratorem Ottoboni nati nobilis viri Maze de Flisco legitime constitutum de mandato Domini Ottoboni Sancti Adriani Diaconi Cardinalis Apostolice Sedis Legati ad eamdem Ecclesiam vacantem procuratorio nomine ipsius Ottoboni Divine caritatis intuitu admittimus et ipsum ejus nomine de eadem investimus ac prout circa absentem fleri potuit canonice Rectorem instituimus In cujus rei testimonium Presentibus Literis sigillum nostrum duximus apponendum Datum apud Nymetone Die Dominica predicta Anno Domini MCCLX septimo et Consecracionis nostre decimo