Charter Document - 03660100
| Charter Number: | 03660100 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1265 |
| Date type: | Internal, A.D., Feast |
| Resource Link(s): |
|
Charter:
Universis presentes Literas inspecturis Frater Symon de Gurneye salutem in Domino Noveritis Universitas vestra quod cum per Venerabilem Patrem Dominum Walterum Dei gracia Exoniensem Episcopum ad presentacionem Religiosorum Virorum Prioris et Conventus Sancti Martini de Campis ad regimen Monasterii Beate Marie Magdalene de Barum benigne essemus admissi et Prior ipsius Monasterii canonice instituti nos jura in quorum possessione dictus Venerabilis Pater et Ecclesia sua Exoniensis temporibus predecessorum nostrorum extiterat recognoscentes ut debuimus Canonicam obedienciam et reverenciam gratis prestitimus eidem in verbo Sacerdocii ac eciam Sacrosanctis Evangeliis inspectis promittentes quod bona dicti Prioratus in ipsius Monasterii utilitatem fideliter convertemus et ibidem expendemus salva antiqua Pensione xx solidorum dictis Priori et Conventui debita per nos in posterum nullatenus augmentanda Ad hec pro visimus eidem Patri in forma predicta nos a dicti Prioratus regimine ad cujuscumque suasionem vel mandatum absque ejusdem Domini voluntate et licencia speciali minime recessuros seu aliquid contra dictarum promissionum nostrarum fidelem observacionem futuris temporibus impetraturos seu eciam impetratis quibus ex nunc ex certa sciencia renunciamus usuros Quod si facere at temptaverimus concedimus quod ipso facto dicto Prioratu simus privati In quorum testimonium Literas suas Patentes Domino Episcopo fecit testimoniales adicientes quod Sentenciam auctoritate Domini Pape super integro Conventu xiij Monachorum in Monasterio Barum antedicto habendo latam quatenus in ipso est ratificabit in verbo Sacerdocii promittentes dicte Sentencie quamcicius ad hoc ydoneas personas invenerit pariturum cum effectu [] Datum die Jovis proxima post Festum Assumpcionis Beate Marie anno domini MCCLXV