Charter Document - 03660099

Universis presentes Literas inspecturis Walterus miseracione Divina Exoniensis Episcopus salutem in Domino sempiternam Noveritis quod cum inter Viros Religiosos Abbatem et Conventum de Nywenham ex una parte et Nicholaum de Honetone Rectorem Ecclesie de Axeminstre ex altera super diverais contencionibus querelis et accionibus personalibus orta esset materia questionis tandem de bonorum consilio super omnibus premissis Ordinacioni nostre alte et basse per juramenta sua dicte Partes se supposuerunt nos autem auditis et plenius intellectis hinc inde propoaitis super premissis ordinamus in hunc modum Cum Abbas et Conventus de Nyweham ex una parte et Nicholaus de Honetone Rector Ecclesie de Axeminstre ex altera super omnibus controversiis et contencionibus personalibus inter eos usque in hodiernum diem exortis nostre se submiserunt Ordinacioni ipsam se fideliter observaturos corporali hinc inde prestito juramento promittentes nos autem auditis et intellectis hinc inde propositis tranquillitati et paci utriusque Partis prospicere cupientes In Nomine Patris et Filii et Spiritus Sancti Amen pronunciamus et ordinamus quod hinc inde omnis rancor et omnis injuria remittatur et quod nullus eorum alii occasione preteritarum personalium accionum molestiam inferre presumat in futurum vel jacturam et ut idem Nicholaus in posterum eisdem Abbati et Conventui de Nywenham fidelis et amicus existat sub debito sacramenti prestiti fidelitatem et amiciciam versus eosdem teneat et continuet in perpetuum Et ordinamus quod iidem Abbas et Conventus dent eidem Nicholao clerico suo quatuor marcas solummodo quas sibi circa proximum Festum Sancti Michaelis Terminis communibus equis porcionibus persolvant Si vero contingat de cetero quod inter eosdem aliqua contencionis materia realis vel personalis quod absit oriatur nullus eorum contra alium questionem movebit donec nobis vel Officiali nostro ostendatur ut per nos vel Officialem nostrum qui pacem inter eos desideramus si commode fieri possit pacificetur Alioquin ex tunc adeat quilibet eorundem Judicem competentem qui subortam inter eos dirimat questionem In cujus rei testimonium has Literas nostras Patentes utrique fecimus fieri Patentes Datum apud Exoniam die Veneris proxima post Festum Sancti Martini Anno Domini MCCLX quarto et Consecracionis nostre Anno septimo