Charter Document - 03660098
| Charter Number: | 03660098 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1260 |
| Date type: | Internal, A.D., Calendar |
| Resource Link(s): |
|
Charter:
Universis presentes Literas inspecturis Magister Willelmus de Waleby Canonicus Eboracensis [] Cum Venerabilis Pater Dominus Walterus Exoniensis Episcopus ad instanciam meam mihi concesserit quod fructus Porcionis mee in Ecclesia de Axministre ad Prebendam meam Eboracensem spectantes associato michi uno de suis colligere possim et conservare dummodo de fructibus ipsis deductis expensis necessariis laborancium citra proximo venturum Festum Nativitatis Dominice nichil penitus destruatur ego eidem Domino Episcopo tenore Presencium in verbo veritatis et bona fide promitto quod fructus ipsos et proventus per ministeriales meos et certum custodem a dicto Domino Episcopo ad hoc deputandum fideliter colligi et conservari salvoque reponi faciam et quod de fructibus ipsis nichil penitus distraham aut distrahi permittam usque in Festum supradictum nisi Magister Johanni Cancellarius Eboraci vel ejus procurator plenam habens potestatem Ordinacioni seu Taxacioni Vicarie ipsius Ecclesie consenciendi in Angliam prius venerit et hoc de ejusdem Domini Episcopi procedat voluntate Volo eciam et concedo quod de bonis Porcionis mee in ipsa Ecclesia congrua sustentacio Ministris ipsius interim ministretur Pro hac quoque concessione et gracia omnibus impetratis et impetrandis in hoc facto absolute renuncio In cujus [] Datum Londonie iiij Idus Julii anno domini MCCLX