Charter Document - 03660097
| Charter Number: | 03660097 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1260 |
| Date type: | Internal, A.D., Calendar |
| Resource Link(s): |
|
Charter:
Walterus miseracione Divina [] Magistro J[ohanni de Excestria] Eboraci Cancellario [] Cum ex Officii nostri debito nostram visitantes parochiam Vicariam Ecclesie de Axministre tanto tempore vacavisse inveniremus quod ipsius Collacio ad nos esset devoluta nosque sollempni premissa monicione quod Decanus et Capitulum Eboraci seu hii quorum tunc intererat Personam ydoneam infra certum tempus ad eam presentarent Vicariam ipsam dilecto filio Waltero de Aulescumbe presbitero mense Novembris caritatis intuitu contulerimus salva Canonicis Eboracensis Ecclesie antiqua et debita Porcione de eadem Ecclesia in pecunia numerata per Vicarium ipsum annuatim solvenda nolentes tamen bona vestra ibidem vel aliter sub districtu nostro existencia inutiliter distrahi aut consumi omnes fructus et proventue Porcionis vestre quam in dicta Ecclesia de Axministre optinetis racione Prebende vestre Eboracensis vos contingentes salva Ministrorum dicte Ecclesie congrua sustentacione dilecto filio Archidiacono Exoniensi sub nostrorum testimonio commisimus quousque auctore Domino in Angliam redieritis bona fide conservandos In cujus [] datum v Idus Julii anno domini MCCLX