Charter Document - 03660095
| Charter Number: | 03660095 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1264 |
| Date type: | Internal, A.D., Episcopal |
| Resource Link(s): |
|
Charter:
Universis presentes Literas [] Walterus miseracione Divina [] salutem in Domino sempiternam Mandatum Domini Pape jam dudum recepimus ut Magistro Luce de Peintone in Beneficio Ecclesiastico ad presentacionem aliquorum Religiosorum nostre Dyoecesis spectante auctoritate Apostolica provideremus cujus siquidem Mandati auctoritate omnes Religiosos nostre Dyoecesis a Beneficiorum collacione seu presentacione multis temporibus retroactis suspendimus quousque eidem Magistro auctoritate predicta in Ecclesiastico Beneficio provisum fuerit cum effectu Sed quia dictus Magister de predicto Mandato nullum actenus commodum est assecutus nos Mandato Summi Pontificis prout decet obtemperare volentes In Nomine Patris et Filii et Spiritus Sancti Amen de Ecclesia Aunttone in Cornubia vacante ad presentacionem Religiosorum Virorum Abbatis et Conventus Tavistochie spectante auctoritate premissa eidem Magistro Luce duximus providendum et eandem sibi auctoritate qua super hoc fungimur Apostolica dum tamen idem Magister vel ejus Procurator hanc Provisionem acceptare voluerit cum ejusdem Ecclesie pertinenciis contulimus alioquin Magistro Waltero dicto Curdet consimile mandatum Apostolicum nobis directum habenti de eadem Ecclesia Apostolica auctoritate cum suis pertinenciis providimus et eandem sibi contulimus inhibentes eisdem Abbati et Conventui Tavistochie ac aliis quibuscumque auctoritate nobis commissa sub pena Excommunicacionis et Suspensionis quam ipso facto incurrant si contra premissa aliquid attemptare presumpserint nec factum nostrum in hac parte quocumque modo perturbare vel impedire presumant decernentes nihilominus irritum et inane quicquid ab eisdem Abbate et Conventu seu aliis quibuscumque contra premissa vel aliquid premissorum fuerit attemptatum potestatem nobis commissam acrius contra illos et alios quoscumque contravenientes procedendi auctoritate predicta nobis reservantes In cujus rei testimonium presentibus Literis sigillum nostrum duximus apponendum Datum apud Farendone die supradicto Anno Gracie MCCLXIIIJ et Consecracionis nostre septimo