Charter Document - 03660090
| Charter Number: | 03660090 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1259 |
| Date type: | Internal, Calendar, Regnal |
| Resource Link(s): |
|
Charter:
Henricus Dei gracia Rex Anglie Dominus Hybernie Dux Normannie Aquitanie Comes Andegavie Archiepiscopis Episcopis Abbatibus Prioribus Comitibus Baronibus Justiciariis Vicecomitibus Prepositis Ministris et omnibus Ballivis et Fidelibus suis salutem Sciatis quod cum Nicolaus de Wancy tenuerit de Episcopo Exoniensi in capite feoda duorum Militum cum pertinenciis in Wolaumptone que idem Nicholaus postmodum dedit Johanni de Gatesdena tenenda de se et heredibus suis per servicium feodi duorum Militum et unius denarii vel unius paris albarum cyrotecarum per annum quod servicium eciam idem Nicholaus postea dedit dilecto et fideli nostro Ricardo de Clare Comiti Gloucestrie et Hertefordie habendum et tenendum de prefato Episcopo et Ecclesia sua Exoniensi ita quod idem Comes et heredes sui medii sint inter prefatum Johannem et heredes suos et predictum Episcopum et successores suos Nos pro salute anime nostre antecessorum et heredum nostrorum concedimus Deo et Ecclesie Beati Petri Exoniensis et Venerabili Patri Waltero Exoniensi Episcopo et successoribus suis pro nobis et heredibus nostris quod licet dictus Comes de nobis teneat in Baroniam quocienscumque tamen heredes ejusdem Comitis infra etatem et in custodia nostra extiterint idem Episcopus et successores sui et Ecclesia sua supradicta habeant quicquid ad capitale dominicum nomine custodie pertinere poterit de feodis predictis sive dictus Comes et ejus heredes ea tenuerint in serviciis sive eis aliquo tempore in dominico acciderint ita quod nos vel heredes nostri nichil nobis racione custodie predicte vendicavimus in feodis predictis Hiis testibus Venerabilibus Patribus Ricardus Lincolnensi et Walterus Wygornensi Episcopis Rogero le Bygod Comite Nortfolchie et Marescallo Anglie Humfrido de Boun Comite Herefordie et Essexie Hugone le Bygod Justiciario Anglie Johanne Maunsel Thesaurario Eboraci Henrico de Tracy Egidio de Argenteme Alano la Zuche et aliis Datum per manum nostram apud Westmonasterium decimo octavo die Julii Anno Regni nostri Quadragesimo tercio