Charter Document - 03660088
| Charter Number: | 03660088 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Omnibus Sancte Matris Ecclesie filiis presens Scriptum visuris vel audituris Walterus miseracione Divina Exoniensis Episcopus salutem in Domino sempiternam Noverit Universitas vestra quod nos considerato defectu Ministrorum in Ecclesia Beati Thome Martiris de Glasneya concedimus et conferimus Divine caritatis intuitu eidem Ecclesie Beati Thome ad perpetuam sustentacionem duorum Capellanorum qui unam Missam cotidie de Sancte Marie et aliam pro anima nostra et animabus Magistri Henrici de Bolleghe et Domini Walteri de Fermesham ac omnium Fidelium defunctorum in predicta Ecclesia celebrabunt et Horis Canonicis ibidem in posterum psallendis intererunt Ecclesiam de Menstre cujus sumus patroni cum omnibus juribus obvencionibus et omnibus aliis pertinenciis suis in usus proprios predictorum Capellanorum perpetuo possidendam salva competenti Vicaria in eadem Ecclesia de Menstre per nos vel successores nostros taxanda et quociens eam vacare contigerit conferenda Volumus eciam et ordinamus quod Prepositus et Sacrista de Glasneya qui pro tempore fuerint si presentes in Dioecesi extiterint alioquin alter eorum quem presentem esse contigerit predictos Capellanos cedentibus vel decedentibus suis antecessoribus nobis et nostris successoribus presentent vel presentet ad predicta Officia celebranda assignantes eisdem Capellanis ad inhabitandum de voluntate et consensu predictorum Henrici et Walteri domos et edificia cum omnibus pertinenciis suis que iidem Henricus et Walterus juxta Pontem Glasneye construxerunt ita quod illas domos et edificia habeant predicti Capellani et teneant in perpetuum libera quieta et soluta ab omni gravedine et servicio seculari In cujus rei testimonium presenti Scripto sigillum nostrum duximus apponendum hiis Testibus Magistro Johanne le Noble tunc Decano Exoniensis Ecclesie Magistro Johanne de Pontiseia tunc Archidiacono Exoniensi Magistro Johanne de Esse tunc Archidiacono Cornubiensi Domino Ricardo de Brendeswrhy Canonico Exoniensi Domino Hugone de Plimtone Canonico de Sancta Beriana Dominis Alexandro de Oxtone Radulpho de Arundelle et Johanne de Treiagu Militibus et aliis Datum apud Parcum de Gargaul die Sabbati proxima post Festum Assumpcionis Beate Virginis Anno Gracie MCCLXX quinto