Charter Document - 03660077
| Charter Number: | 03660077 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1275 |
| Date type: | Assigned |
| Resource Link(s): |
|
Charter:
Ego Willelmus Abbas de Forde publice profiteor intencionis mee non fuisse nec esse in persona Domini Exoniensis Episcopi aliquam Excommunicacionis Sentenciam promulgasse nec promulgare nec ipsum hujusmodi Sentencia involvere quicquid in Literis meis executoris Sentencie super Ecclesia de Taustoke pro Magistro Willelmo de Dittone late contineatur Et siquid secus in eisdem Literis vel earum occasione actum fuerit in irritum revoco Decanus quoque Exoniensis judex principalis tunc ibi presens qui vices suas in solidum non commiserat in presencia congregacionis predicte consimilem et sollempnem subsequenter fecit revocacionem In quorum testimonium et fidem prefatus Decanus Decanus Wellensis Archidiaconus Wellensis Abbas Hertilondie Thesaurarius Exoniensis de Berliz et Fritelestoke Priores Precentor Criditonensis Magister Thomas de Boclonde Gilbertus de Tytings et Petrus de Gudeforde Canonici Criditonenses presenti Instrumento sigilla sua apposuerunt Presentibus Testibus vocatis et rogatis infrascriptis videlicet Magistro Willelmo Wancy Roberto de Coctone Ricardo de Grangia Magistro Johanne de Wlfrintone Ricardo Gundewyne Ricardo de Derteford et aliis