Charter Document - 03660069
| Charter Number: | 03660069 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Cum exorbitationis Ecclesie nostre Exoniensis ad statum debitum et antiquum olim reducentes quedam Statuta salubria que Decanus et Capitulum nostrum Exonie acceptando approbarunt ac juramento et scriptura tunc placuit firmare ediderimus que hactenus minus plene ut de contemptu taceamus observare curarunt nos Civitatem et Dioecesim nostram volente Domino in brevi visitare et a capite incipere proponentes vobis mandamus in virtute obediencie firmiter injungentes quatinus predictos Decanum et Capitulum vice et auctoritate nostra diligenter moneatis et efficaciter inducatis ut Statuta predicta singulis Ebdomadis die Sabbati semel ad minus ad horam diei primam in Capitulo post Martilogium coram se et clericis Ecclesie legi et recitari et recitata cum effectu observari faciant sicut inobediencie contemptus et perjuri notam effugere voluerint ne in execucione et Visitacionis officio cum acciderit super inobediencia contemptu et perjuris quod absit ipsos arguere debeamus Re scripturi nobis citra Festum Omnium Sanctorum per Literas vestras Patentes harum seriem continentes quid feceritis in premissis Datum ix Kalendas Octobris anno gratie MCCLXXV