Charter Document - 03660068

Universis [] Ad Universitatis vestre noticiam tenore Presencium volumus pervenire quod dilectis filiis R[ogero] Decano et Capitulo Exonie et Magistro Johanne dicto Nobili Archidiacono Exoniensi super jurisdiccione quarundam Capellarum Civitatis et Suburbii Exonie necnon et Ecclesiarum et Maneriorum infra ambitum Archidiaconatus predieti eisdem Decano et Capitulo appropriatarum de quibus inter eosdem controversie materia suboriri videbatur in nos alte et basse compromittentibus et Ordinacioni nostre se sponte submittentibus Nos dictis Partibus tercio Nonas Septembris Anno Gracie Millesimo CC septuagesimo vocacione legitima precedente in Capitulo Exonie coram nobis comparentibus expresso ipsarum Partium assensu accedente arbitrando et diffiniendo ordinamus et ordinando statuimus in hune modum videlicet quod Decanus Exonie qui pro tempore fuerit jurisdiccionem Canonicorum omnium Clericorum Chori tam Vicariorum quam aliorum similiter et familie Canonicorum ac eciam Ecclesie de Hevedtre et omnium aliarum Ecclesiarum extra Civitatem et Suburbium antedictum infra fines Episcopatus nostri existencium ipsis Decano et Capitulo appropriatarum necnon et Maneriorum eorundem in quibus Ecclesiis et Maneriis jurisdiccionem presentibus temporibus habuerunt habeat et exerceat inperpetuum utpote Decanatu per hanc nostram Ordinacionem annexam et unitam salvis jure et dignitate Episcopali in omnibus Ordinamus insuper quod Archidiaconus Exonie qui pro tempore fuerit jurisdiccionem tocius Civitatis Exonie scilicet tam Clericorum quam laicorum in Civitate et Suburbio commorancium seu existencium puta parochianorum Capellarum Sancte Sativole Sancti Davidis Sancte Trinitatis et aliarum Ecclesiarum et Capellarum Civitatis et Suburbii antedicti habeat et pleno jure exerceat in perpetuum salva jurisdiccione Decani antedicti ita quod idem Archidiaconus de proventibus jurisdiccionis ejusdem unum cereum unius libre cere inveniat in medio Chori in Matutinis et ante Magnum Altare ad Magnam Missam in perpetuum ardentem Et si forte contingat Archidiaconatum Exonie alicui qui dicte Ecclesie Exoniensis Canonicus non fuerit futuri temporibus conferri volumus et de predictorum Decani et Capituli expresso assensu ordinamus quod tota jurisdiccio Civitatis et Suburbii antedicti ad Decanum Exonie pertineat et Decanatu accrescat quousque idem Archidiaconus Canonicam in Ecclesia ipsa canonice fuerit adeptus vel Archidiaconatus alii qui ejusdem Ecclesie Canonicus extiterit rite collatus salvo jure Episcopali in Sequestris et aliis Archidiaconatu vacante antedicto In cujus rei testimonium sigillum nostrum Presentibus duximus apponendum Et Decanus et Capitulum ac Archidiaconus predicti hanc Ordinacionem nostram gratanter acceptantes sigilla sua similiter apposuerunt Datum Anno Domini MCC Septuagesimo apud Clist Episcopi die Sancti Francisci