Charter Document - 03660067

Nos Walterus Dei gracia Exoniensis Episcopus omnes illos qui Ecclesias suo jure maliciose privare presumunt aut per maliciam libertates earundem infringere seu perturbare contendunt excommunicatos denunciamus Item omnes illos qui tranquillitatem pacis Domini Regis et Regni injuriose perturbare presumunt Item omnes illos qui scienter et prudenter falsum perhibent testimonium vel perhiberi procurant vel eciam qui tales testes scienter producunt vel subornant in causa matrimoniali ubi scilicet agitur contra matrimonium vel ubi agitur ad alicujus exheredacionem Item omnes illos qui in causis matrimonialibus maliciose aliquid opponunt vel opponi procurant ne vera matrimonia debitum sorciantur effectum Item omnes illos qui antiquas Regni Consuetudines approbatas et precipue Libertates et Liberas Consuetudines que in Cartis Communium Libertatum et de Foresta continentur a Domino Rege concessas Archiepiscopis Episcopis et ceteris Regni Anglie Prelatis Comitibus Baronibus Militibus et aliis libere tenentibus quacumque arte ingenio violaverint in fregerint diminuerint seu mutaverint clam vel palam facto verbo vel consilio contra illas vel earum aliquam in quocumque Articulo temere veniendo Item omnes illos qui contra illas vel earum aliquam Statuta ediderint vel edita servaverint Consuetudines introduxerint vel introductas servaverint scriptores Statutorum ipsorum necnon consiliarios et executores et qui secundum eadem Statuta presumpserint judicare Item omnes illos qui causa refugii ad Ecclesiam vel Cimiterium aut Claustrum fugientes inde violenter abstraxerint vel ejus victui necessaria prohibuerint aut res depositas in eisdem as portaverint vel asportari fecerint aut factam asportationene ratam habuerint seu publice vel occulte auxilium consilium vel consensum eis prebuerint Item omnes violentos manuum injectores in Clericos Item incendiarios publicos et Ecclesiarum effractores Item agrorum depopulatores Item omnes illos qui de domibus maneriis grangiis parcis vinariis vel aliis hujusmodi locis ad Archiepiscopos Episcopos vel alias Personas Ecclesiasticas pertinentibus quicquam preter Dominorum voluntates seu custodum consumere auferre vel contrectare presumpserint Item omnes Sequestratum Episcopi violatores Jurisdiccionum Ordinariorum turbatores per quos non est dubium Libertates Ecclesiasticas infringi excommunicatos denunciamus Datum []