Charter Document - 03660064
| Charter Number: | 03660064 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Omnibus Sancte Matris Ecclesie filiis ad quos presens Scriptum pervenerit Walterus miseracione Divina Exoniensis Episcopus salutem in Domino sempiternam Noveritis nos tradidisse dedisse et concessisse Domino Willelmo de Eglosheyl Militi et Mirabelle uxori sue decem et octo libras annui redditus de Manerio nostro de Penryn in Ecclesia Beati Thome de Glasneya percipiendas ad duos anni terminos videlicet ad Festum Sancti Michaelis et Pasche equis porcionibus in escambium Manerii sui de Eglosheyl quod ipse nobis capitali Domino suo per Cartam suam reddidit et quietum clamavit tenendas et habendas dicto Willelmo et Mirabelle uxori sue quamdiu simul vixerint ita quod uno eorum decedente decem libre dicti redditus tantum remaneant superstiti annuatim solvende et residuum tocius predicti redditus nobis revertatur et successoribus nostris plenaria sine omni contradiccione Et post decessum dictorum Willelmi et Mirabelle totus predictus redditus decem et octo librarum nobis et successoribus nostris plenaria revertatur Concessimus eciam eidem Willelmo et Mirabelle Curiam nostri in Villa de Penryn cum domibus ejusdem Curie et cum estuve rio ad ignem eorum dum ibi manserint de bosco nostro de Penryn per visum et liberacionem forestarii nostri de Penryn sine vasto et destruccione Et si contingat quod nos vel successores nostri in solucione predicti redditus ad terminos predictos sive infra octavas cessaverimus volumus et concedimus pro nobis et successoribus nostris quod Vicecomes Cornubie qui pro tempore fuerit nos distringat per terras et catalla nostra ad plenarium solucionem in forma predicta faciendam et quod levare faciat de bouis nostris centum solidos ad opus dicti Willelmi et Mirabelle pro dampnis et laboribus eorum et centum solidos ad opus suum pro districcione facienda si necesse fuerit quod absit pro quolibet termino non observato In quorum omnium testimonium et fidem sigillum nostrum Presentibus duximus apponendum Datum apud Poltone die Jovis proxima post Festum Sancti Jacobi Apostoli anno gracie MCCLXXVIII