Charter Document - 03660058
| Charter Number: | 03660058 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1261 |
| Date type: | Internal, A.D., Episcopal, Feast |
| Resource Link(s): |
|
Charter:
Walterus Dei gracia Exoniensis Episcopus dilectis filiis Priori et Conventui de Plimptone salutem et benediccionem Pontificalis moderaminis circumspeccioni convenit diligenter attendere quod summa est racio que pro Religione facit et viros Religiosos pro caritatis affectu confovere Ea propter dilecti in Christo filii humilitatis vestre devocioni paterna affeccione subvenire volentes ad pauperum et peregrinorum ad vos confluencium necessitatem sublevandam Ecclesiam de Dene cum fructibus et obvencionibus vacantem per resignacionem Magistri Nicholai de Plimptone Archidiaconi Northfolchie Domini Pape capellani cujus jus patronatus ad vos noscitur pertinere de consensu Decani et Capituli nostri Exoniensis vobis et Ecclesie vestre in proprios usus concedimus et confirmamus pleno jure perpetuo possidendam salva congrua porcione Vicarii nobis et successoribus nostris canonice presentandi In cujus rei testimonium Presentes Literas vobis duximus concedendas Datum Exonie in crastino Sancti Kalixti Pape et Martiris Anno Gracie MCCLX primo et Consecracionis nostre Anno Quarto