Charter Document - 03660055
| Charter Number: | 03660055 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Conquesta est nobis Agnes de Crues mulier vestre Dioecesis quod vos in ipsam non legitime monitam non citatam non convictam non confessam nec per contumaciam absentem absque causa racionabili excommunicacionis sentenciam perperam promulgastis seu promulgari de mandastis contra Statuta Concilii Generalis in ipsius prejudicium non modicum et scandalum plurimorum propter quod eadem Agnes ad Curiam Cantuariensem accedens sibi super hoc per nos salubre remedium adhiberi humiliter supplicavit Quocirca Paternitati vestre mandamus quatinus si est ita dictam excommunicacionis sentenciam infra octo dies post recepcionem Presencium in forma juris relaxetis alioquin vos citamus peremptorie quod com pareatis coram nobis vel Commissario nostro in Ecclesia Beate Marie de Arcubus Londonie per vos vel per procuratorem ydoneum et sufficienter instructum tercio die juridico post Festum Sancti Martini dicte Agneti super premissis responsuri facturi et recepturi quod postulaverit ordo juris [] Datum Londonie xj Kalendas Novembris Anno Domini MCCLXX quinto