Charter Document - 03660054
| Charter Number: | 03660054 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1278 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Illorum pura vota benigno favore prosequimur qui tempore prosperitatis pie cogitant de supremis Cum igitur dilectus filius Laurencius filius Ricardi Miles in Hospitali Sancti Laurencii de Crydetone zelo specialis affectionis quantum in ipso est elegerit sepulturam prefati Hospitalis Fratribus ut ejusdem Militis corpus cum acciderit in Capella Beati Laurencii Ecclesiastice tradere possint sepulture Precentoris et Canonicorum nostrorum Crydetonie consensu ad hoc accedente legittimo liberam tenore Presencium concedimus facultatem In cujus rei testimonium presentibus Literis sigillum nostrum apponi fecimus et dicti Precentor et Canonici sigillum eorum similiter apposuerunt Datum apud Clyst xiij Kalendas Maii Anno Gracie MCCLXX octavo et Consecracionis nostre xx primo