Charter Document - 03660046

Walterus Dei gracia Exoniensis Episcopus dilectis filiis Decano Archidiacono et Precentori Exonie salutem graciam et benediccionem Sponsa Christi Ecclesia videlicet Mater nostra variis attrita pressuris hiis diebus luctuosum promit gemitum dicens cum Propheta Vide Domine et considera quoniam fucta sum vilis ride affliccionem meam quoniam erectus est inimicus Sane cum probatos et electos viros et Ecclesiasticos in Ordine Sacerdocii constitutos dudum apud Sanctum Alunum in Cornubia ex officio mitteremus ad monendum auctoritate nostra in spiritu lenitatis et pacis quosdam nobiles Milites Ballivos Liberos et Plebeyos de Comitatu Cornubiensi ac quosdam Commensales nobilis viri Domini Edmondi Comitis Cornubie armigeros scilicet et alios de latere seu mandato suo ut dicitur missos ut a concepta et aspirata contra Ecclesiam Dei et ejus libertates malicia priusquam ad actum procederent desistendo cessarent et cessando desisterent et ad exponendum eis salutem animarum et pericula que ex tali concepcione si in factum prodiret incurrerent ipso facto quidam ex prefatis laicis armati hujusmodi conspiracionis executores sumpta a multitudine sibi assistente audacia tanquam crudelissimi lictores in prefatos viros Ecclesiasticos quos in Ecclesia Locis Sacris Sanctuario et extra invenire potuerunt assumpto spiritu furoris subito irruentes evaginatis gladiis et aliis armorum generibus quosdam eorum super Altaria inclinantes alios quocumque diffugientes poterant invenire atrociter vulneraverunt verberabunt et ad terram prostrarunt post caudas equorum traxerunt et inhumaniter et viliter tractaverunt sanguinem quoque in Ecclesia Dei effuderunt aliasque atroces injurias et metum mortis eis intulerunt sacerdotalem insuper habitum quem gestabant turpiter dehonestarunt extremitates caduceorum fere usque ad medium et summitates capellarum quas quidam portabant ad modum rasilis corone amputantes servientem eorum furorem in bruta animalia palefridos scilicet et equos eorum dirigendo nam quorundam ex eis aures caudas et superiora labia totaliter absciderunt quosdam vero interfecerunt alios muti larunt et usque ad deteccionem ossium vulnerarunt quinimmo sacrilegium et rapinam ac alia enormiaque longum est enumerare commiserunt in contumeliam Creatoris contemptum Ecclesie et Ecclesiastice libertatis subversionem Cum igitur propter facti evidenciam quod manifestum et notorium existit eo quod nulla tergiversacione celari poterit contra prefatos sacrilegos eorumque auctores et fautores tanquam contra notorios transgressores exigente justicia possemus acrius procedere ob reverenciam tamen personalis absencie Domini Regis et fiduciam quam ab intencione mentis nostre totaliter abdicare non audemus quum transgressores hujusmodi et eorum complices annuente Domino ad cor reversuri condigne satisfaciant execucionem juris ad tempus differentes Discrecioni vestre et mandamus in virtute obediencie et sub pena canonica firmiter injungentes quatinus omnes prefatos sacrilegos cum eorum auctoribus et fautoribus et omnes opem auxilium et consilium audaciam et comitivam cum intencione malignandi eis prestantes in Cathedrali Ecclesia nostra et singulis Collegiatis ac Parochialibus Ecclesiis nostre Dioecesis singulis Diebus Dominicis accensis candelis et pulsatis campanis in canonem latere sive incidisse ipso facto publice et solempniter nuncietis et nunciari faciatis quousque aliud a nobis receperitis in mandatis Proviso quod harum tenor et effectus convocato clero qui comode adesse poterit in presencia Archidiaconorum solempniter in majori Ecclesia Exonienei publicetur sine mora Hanc autem denunciacionem ad personas Ricardi de Almannia nati Regis Almannie Guydonis de Nonant Militum Johannis de Insula Johannis Heyron Mauricii Caperon et Ricardi Garron qui ad gremium Ecclesie redeuntes stare mandatis Ecclesie lesis satisfacere et condignam penitenciam peragere sacramentum prestiterunt corporale nullatenus extendi volumus Qualiter autem mandatum nostrum fueritis executi per Literas vestras Patentes harum seriem continentes nos reddatis cerciores Datum Anno Domini MCCLXX tercio et Consecracionis nostre anno sexto decimo vij Idus Maii apud Ospringe