Charter Document - 03660044
| Charter Number: | 03660044 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1276 |
| Date type: | Internal, A.D., Episcopal, Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Eo fiducialius possessiones transitorias adquirimus quo amplius Divinum Cultum ex earum fructibus augmentare proponimus Proinde vacantem Parochialem Ecclesiam de Farndone cum fructibus ejusdem ad collacionem nostram spectantem cujus Advocacionem ex gratuita concessione dilecti filii Roberti Giffard tunc ejusdem veri patroni nuper adquisivimus ad sustentacionem duorum Capellanorum per nos et successores nostros canonice substituendorum in Capella Sancti Gabrielis quam infra septa Curie nostre de Clist fundavimus ad honorem Beate Virginis dicti Archangeli et Omnium Angelorum necnon et pro salute anime nostre antecessorum et successorum ac benefactorum nostrorum Divina perpetuo celebrancium accedente ad hoc dilectorum filiorum Decani et Capituli nostri Exoniensis consensu legitimo attestacione presentis Instrumenti intuitu caritatis appropriamus concedimus et canonica appropriacione annectimus perpetuo possidendam salva competenti Vicaria per nos et successores nostros ydoneis Personis cum vacaverit inposterum conferenda In cujus rei testimonium presenti Scripture sigillum nostrum apponi fecimus Datum apud Clist in Festo Sanctorum Cosme et Damiani Anno Gracie MCCLXX Sexto et Consecracionis nostre decimo nono