Charter Document - 03660039
| Charter Number: | 03660039 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Lay |
| Charter Type(s): | Apology |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Universis has Literas inspecturis Johannes de Treiagou Radulphus de Dyntone et Willelmus de Cyrisaus Milites salutem in Domino Noverit Universitas vestra quod nos in presencia venerabilium virorum Decani Exoniensis et Archidiaconi Tantoniensis Domini Cantuariensis Archiepiscopi Commissariorum presencialiter constituti recognovimus et sponte confessi sumus quod conspiracioni contra Venerabilem Patrem Dominum Exoniensem Episcopum et successores suos in Cornubia dudum nequiter concepte illicite consensimus propter quod ad cor redeuntes nos Johannes et Radulphus predicti viginti marcas pro equis porcionibus et ego Willelmus centum solidos sterlingorum eidem Domino Episcopo nomine amande offerimus et vadimus quam pretaxatam pecunie summam prefato Episcopo infra quindecim dies postquam eam exegerit vel exigere fecerit per legitimam stipulacionem solvere promittimus Tactis eciam Sacrosanctis juramus quod nunquam de cetero contra Ecclesiasticas personas con spirabimus nec conspiracioni facte vel faciende consenciemus in futurum In cujus rei testimonium presentibus Literis sigilla nostra apposuimus Acta sunt hec in presencia Archidiaconi Exoniensis Henrici [de Bolleghe] Prepositi de Glasneia Willelmi [de Capella] Precentoris Cridetonensis Magistrorum Gervasii de Cridetone Philippi de Exonia Willelmi de Hancoc Ricardi de Carswelle Petri de Gudeford Capellani et aliorum in Octavis Sancti Johannis Evangeliste Anno Gracie MCCLXX quarto