Charter Document - 03660035

Universis has Literas visuris vel audituris Ricardus Prior Bodminie et ejusdem Loci Conventus salutem eternam in Domino Noverit Universitas vestra nos pro nobis et successoribus nostris inperpetuum concessisse et ratam habuisse totam donacionem libertates et liberas consuetudines et omnia alia feofamenta que Rogerus de Valle Torta filius Domini Rogeri de Valle Torta et frater Dominorum Reginaldi et Radulfi de Valle Torta fecit et concessit Venerabili Fratri nostro Domino Waltero miseracione Divina Exoniensi Episcopo et Ecclesie sue Exoniensi Beatorum Apostolorum Petri et Pauli et successoribus suis ejusdem Ecclesie Episcopis vel cuicumque sive quibuscumque in parte vel in toto dare vendere legare appropriare assignare vel aliquo alio modo alienare voluerit in quocumque statu sit sanus vel eger de toto Manerio de Gargaule cum Advocacionibus Ecclesiarum Sancte Niwyline et Sancti Aluni et cum homagiis et serviciis omnium de eodem Manerio tenencium tam liberorum quam aliorum et omnimodis aliis suis pertinenciis quocumque nomine censeantur tenendam et habendam dicto Waltero Exoniensi Episcopo et successoribus suis Exoniensis Ecclesie Episcopis vel cuicumque sive quibuscumque in parte vel in toto dare vendere legare appropriare assignare vel aliquo alio modo alienare voluerit in quocumque statu sit sanus vel eger salvis nobis inde annuatim quatuor solidis annui redditus in Festo Apostolorum Philippi et Jacobi et salvo nobis relevio nostro in decessu Episcoporum et aliorum tenencium quicumque fuerint pro omnimodis serviciis sectis auxiliis querelis de mandis et exaccionibus secularibus Ita tamen quod dicti Prior et Conventus non teneantur ad aliquam warantizacionem dicto Episcopo Exoniensi seu ejus successoribus de dicto Manerio de Garganle faciendam vel cuicumque sive quibuscumque in parte vel in toto dare vendere legare appropriare seu assignare dictus Episcopus seu ejus successores voluerint racione istius confirmacionis In cujus rei testimonium presentibus Literis sigilla nostra apposuimus hiis Testibus Dominis Radulfo de Arundelle Alexandro de Okestone Johanne Wyger Reinfredo de Arundelle Johanne de Treiagu Militibus Ricardo de Hydone Olivero de Arundelle Rogero le Arceveske Johanne de Lanbrun Ricardo Ayguel Odone de Trevael Andrea de Trelloske David de Servintone Matheo de Eglosheyl Thome de Trelulla clerico et aliis Datum apud Bodminiam die Dominica proxima post Nativitatem Domini Anno Gracie Millesimo ducentesimo sexagesimo nono