Charter Document - 03660030
| Charter Number: | 03660030 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1278 |
| Date type: | Internal, Episcopal, Feast |
| Resource Link(s): |
|
Charter:
Omnibus Christi fidelibus ad quos presens Scriptum pervenerit Walterus miseracione Divina Exoniensis Episcopus salutem in Domino Noveritis quod cum Dominus Ricardus quondam Persona de Bokerel et Henricus capellanus habuissent terram de Clisthegen ad firmam ad terminum de Gilberto de Langeforde per Cyrographum inter eos confectum et idem Ricardus et Henricus capellanus dictam terram et firmam nobis tradidissent et concessissent secundum tenorem dicti cyrographi et nos dictam terram et firmam Philippo Domino de Sudradeworthe reddiderimus et quod dictus Philippus dictam terram tradidit Ricardo de Brendeswrthe ad firmam sex annorum per cyrographum inter eos confectum ideo volumus et concedimus quod chyrographa inter dictum Ricardum quondam Personam de Bokerel et Henricum capellanum inde confecta que penes nos aliquando fuerunt si inveniantur in posterum nullum robur optineant nec alicujus sint valoris In cujus rei testimonium huic Scripto sigillum nostrum apponi fecimus Datum Exonie in crastino Beatorum Tyburcii et Valeriani Anno Consecracionis nostre xx primo