Charter Document - 03660029
| Charter Number: | 03660029 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1269 |
| Date type: | Internal, A.D., Episcopal, Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Ad Universitatis vestre noticiam tenore Presencium volumus pervenire quod nos Vicariam Ecclesie de Brankescumbe que tanto tempore vacavit quod ipsius collacio secundum Statuta Concilii Lateranensis ad nos extitit devoluta et que in toto altalagio Ecclesie predicte cum decima fabarum et pisorum ubicumque in curtellagiis crescencium et in manso apud la Forde cum gardino loci ejusdem et cum quodam prato quod vocatur la Personesheghe olim consistebat quam consistenciam sive taxacionem Presencium tenore approbamus dilecto filio Laurencio de Sydebery presbitero et per eum successoribus suis canonice substituendis Divine caritatis intuitu conferimus et concedimus cum residencia personali canonice possidendam In quorum testimonium et fidem Presentibus Literis sigillum nostrum duximus apponendum Datum Exonie die Sabbati proxima post Festum Sancti Jacobi Apostoli Anno Domini MCCLX nono et Consecracionis nostre duodecimo