Charter Document - 03660023
| Charter Number: | 03660023 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 |
| Date type: | Internal, A.D., Episcopal, Feast |
| Resource Link(s): |
|
Charter:
Omnibus Christi Fidelibus presentes Literas inspecturis Walterus miseracione Divina Exoniensis Episcopus salutem in Domino sempiternam Noverit Universitas vestra nos communi consensu Decani et Capituli Exoniensis Ecclesie concessisse et tradidisse Ricardo de Lahern Rectori Ecclesie Sancte Columbe majoris totam terram nostram de Arwennech cum omnibus pertinenciis ad terminum vite sue et communem pasturam in wasto nostro ex parte australi inter domum Johannis de Arwennech et mare reddendo nobis et successoribus nostris annuatim triginta solidos sterlingorum equis porcionibus ad duos anni terminos videlicet ad Kalendas May et ad Festum Omnium Sanctorum pro omni servicio accione querelis et de mandis et secta Curie salvo quod dictus Ricardus bis in anno scilicet ad placita Sancti Michaelis et ad placita Pasche curiam nostram de Penren sequi debeat per se aut per attorniatum suum Et si dictus Ricardus vel ejus attorniatus in emendam inciderit secundum quantitatem delicti per visum parium suorum emendetur Post recessum vero dicti Ricardi tota dicta terra de Arwennech cum omnibus pertinenciis suis nobis vel successoribus nostris sine aliqua contradiccione reverti debet salvo tamen croppo suo et aliis mobilibus suis in dicta terra existentibus Insuper licitum est dicto Ricardo quocumque tempore sibi placuerit omnia bona sua mobilia in dicta terra existencia pro voluntate sua amovere legare dare et sine calumpnia cuicumque voluerit assignare ita tamen quod redditum predictum nobis vel successoribus nostris reddat annuatim per se vel per alium Insuper predictus Ricardus debet meliorare predictam terram ita quod in meliori statu quam eam recepit nobis vel successoribus nostris revertatur Et ad hujus rei securitatem sigillum nostrum una cum sigillo communi Decani et Capituli presentibus Literis ad modum cyrograffi cujus una pars penes nos remanet sigillo dicti Ricardi signata dentatis duximus apponendum Datum Exonie in Vigilia Sancti Ambrosii Anno Domini MCCLXX quarto et Consecracionis nostre septimo