Charter Document - 03660021

Walterus Dei gracia Exoniensis Episcopus dilecto filio Archidiacono Tottonie salutem graciam et benediccionem Cum Officii nostri sarcina tante molis pondere premat ut die noctuque cura pervigili diligencia illi debita vix sufficiat tanti oneris pressuram alleviare crescente namque populo crescit malicia cum eodem in peccatis nosque Beneficiatos nostra Dioecesis per vos et Locorum Archidiaconos ad Sacros Ordines suscipiendos secundum status cujus libet exigenciam fecerimus ad presenciam nostram sepius evocari ac insuper Canonice moneri ut in suis Beneficiia residerent ut tenentur et licet hujuscemodi pro variis contumacis et offensis gravius hactenus punivisset possemus penas tamen humana mansuetudo differre coegit quas cura Pastoralia sollicitudinis solius justicie memor inferre suasit quia tamen penas Canonicas pro mentis debite differre quin ea delinquentibus juxta juris exigenciam inferamus ulterius non audemus ne forte si Sponsus venerit nos inveniat dormientes vobis mandamus firmiter injungentes quatinus per totum Archidiaconatum Cornubie diligenter inquiratis et faciatis inquiri qui Beneficiati curam animarum habentes non sint in Presbiterii Ordine constituti aut eciam Redemptorem suum et ipsum Ordinem Presbiteratus deludentes ordinati Presbiteri suum ut tenentur non exequuntur Officium et qui in Beneficiis suis residenciam non faciunt personalem quique corpora presentes spiritu vero absentes terrena et carnalia plusquam celestia sapiunt denarium recipiunt set vineam Domini non colunt Ad hec quia de nonnullis auspicamus quod Patrimonium Crucifixi de manibus nostris et predecessorum nostrorum receptum quod suarum Ecclesiarum bona ultra suorum victualium necessaria non ad ornatum ipsarum Ecclesiarum aliasque prout Sacri Canones disponunt expendunt set aut luxuriose consumunt aut negociantur per se suppositasve personas aut suis carnalibus distribuunt aut possessione temporales comparant Ecclesias suas hujusmodi bonis defraudantes de quibus strictam et veram quantum possibile fuerit fieri faciatis inquisicionem de hiis eciam diligenter inquiratis qui plura habent Beneficia contra Constitucionem Concilii Generalis aliasque Canonicas Sancciones prefigentes presentibus diem absentes vero peremptorie citantes quod compareant coram Officiali nostro vel alias vices nostras gerente in Capella Sancti Michaelis juxta Cowicke in crastino Dominice qua cantatur Letare Jerusalem Dispensaciones Sedis Apostolice si quas habent ostensuri facturi et recepturi quod dictaverit ordo juris contradictores et rebelles si quos inveneritis per censuram Ecclesiasticam compescentes [] Datum apud Clyst x Kalendas Marcii Anno Domini MCCLXX septo