Charter Document - 03660020
| Charter Number: | 03660020 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Universis presentes Literas inspecturis Walterus Dei gracia Exoniensis Episcopus salutem in Domino sempiternam Noverit Universitas vestra nos nomine nostro et Ecclesie nostre predicte mutuo recepisse et habuisse in Civitate Londoniensi die confeccionis presencium a Duracio Huberti et Jacobo Scoldi solventibus et numerantibus tam pro se quam pro aliis sociis suis civibus et mercatoribus Florencie centum marcas bonorum novorum et legalium sterlingorum tres decem solidis et quatuor denariis pro qualibet marca computatis pro nostris et Ecclesie nostre magnis et arduis negociis et gravibus necessitatibus utiliter expediendis De quibus centum marcis bene vocamus nos quiete et integre protestamur nos esse pactatos excepcioni non numerate non solute et non tradite dicte pecunie penitus et expresse renunciantes Quas quidem centum marcas sterlingorum predicto modo et numero computandas nomine nostro Ecclesie nostre et antecessorum nostrorum promittimus et tenemur per legitimam stipulacionem reddere et solvere dictis mercatoribus vel uni eorum aut eorum nuncio has Literas deferenti apud Novum Templum Londonie ad Festum Pentechostes proximo venturum Anno Domini MCCLXX octavo bene fideliter et sine ulteriori dilacione Quod si in solucione dicte pecunie termino antedicto quod absit defecerimus promittimus et tenemur nomine nostro Ecclesie nostre et successorum nostrorum et per antedictam stipulacionem refundere et restaurare eisdem mercatoribus omnia dampna interesse et expensas que et quas sustinuerint fecerint vel incurrerint quoquo modo in judicio sive extra pro defectu solucionis pecunie antedicte Super quibus volumus et promittimus credere eisdem mercatoribus vel uni eorum aut eorum nuncio per simplex verbum suum tantum sine juramento absque alterius onere probacionis Ad que omnia et singula firmiter et fideliter observanda et adimplenda obligamus eis nos Ecclesiam nostram et successores et omnia bona nostra Ecclesie nostre et successorum nostrorum mobilia et immobilia tam Ecclesiastica quam mundana presencia et futura ubicumque fuerint inventa dictis mercatoribus et eorum heredibus pro sua voluntate capienda et retinenda donec eisdem mercatoribus vel uni eorum aut eorum nuncio super omnibus premissis satisfactum fuerit ad plenum Renunciantes in premissis omnibus et singulis pro nobis Ecclesia nostra et successoribus nostris omni juris auxilio et remedio Canonici et Civilis privilegio milicie et fori omni consuetudini et statuto omnibus Literis Apostolicis et Regiis impetratis et impetrandis Regie Prohibicioni Judicum Convencioni Constitucioni de duabus Dictis in Concilio Generali et omnibus aliis excepcionibus juribus et defensionibus personalibus et realibus que nobis Ecclesie nostre et successoribus nostris possent prodesse et dictis mercatoribus vel uni eorum aut eorum nuncio obesse seu nocere vel que obici possint contra premissa aut opponi Volumus eciam super premissis omnibus et singulis a dictis mercatoribus vel ab uno eorum aut eorum nuncio ubicumque locorum libere conveniri et ad judicium trahi In cujus rei testimonium [] Datum Londonie Die Dominica proxima ante Festum Conversion Sancti Pauli anno domini MCCLXX octo