Charter Document - 03660016
| Charter Number: | 03660016 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Venerabili Patri et Reverendo Domino suo Domino R[oberto] Dei Gracia Cantuariensi Archiepiscopo tocius Anglie Primati Walterus Ejusdem miseracione Exoniensis Episcopus salutem cum omni obediencia reverencia et honore Quoniam hoc instanti Festo Nativitatis Beate Virginis Consecracioni Venerabilis Patris Domini Thome Herefordensis Electi in Ecclesia Christi Cantuariensi celebrande cui racione probitatis sue meritisque suis ac progenitorum suorum exigentibus interesse gaudenter affectaremus variis et arduis impediti negociis videlicet propter offensas et gravamina Ecclesie et Clero dudum in Cornubia illata que per adventum Domini Comitis Cornubie circa dictum Festum speramus emendari et finem controversiis inde motis imponi ac propter sollempnem celebracionem Ordinum dudum ante recepcionem Mandati vestri per totam Dioecesim nostram denunciatam necnon et Commemoracionem Sancti Gabrielis secundo die Septembris in Ecclesia nostra Cathedrali Deo propicio celebrandam aliisque diversis occupati que salvo honore nostro nullatenus poterunt omitti interesse non possumus Paternitati vestre supplicamus quatinus in premissis nos si placet habere velitis excusatos Consecracioni vero predicte quantum in nobis est nostrum consensum gratanter prebemus et assensum Datum apud Clist ij Kalendas Septembris Anno Domini MCCLXX quinto